You are here: HomeNieuwsResultado di Votacion pa futuro di Aruba su Naturalesa y Medio Ambiente

Resultado di Votacion pa futuro di Aruba su Naturalesa y Medio Ambiente

Dianan 5 y 6 Juni en coneccion cu dia International di Medio Ambiente y e ezfuersonan di Directie Natuur en Milieu pa finalisa y formula e maneho di Aruba su Naturalesa y Medio Ambiente di 2014 pa 2018. Un grupo grandi di invitadonan di departamentonan gubermental y organisacionan no-gubernamental a bini hunto pa e dos dianan aki y a sinta hunto y dialoga pa jega na un desaroyo balansa.

Durante e dianan aki dos diferente formato a wordo uza: uno di presentacion y e otro tawata di workshop. E proposito di e evento aki ta pa por ricibi puntonan di bista (inspraak) di e organizacionan y e dienstennan pa cu diferente temanan. Entreotro e temanan a inclui; sushedad, companianan, calidad di tera, calidad di awa, calidad di aire, seguridad externo, zonido, vibracion y iluminacion, substancianan peligroso, habitat y sortonan, cambio di clima, salubridad y medio ambiente. Minister di Economische Zaken, Communicatie, Energie & Milieu Sr Mike de Meza a hasi apertura di e evento. Minster de Meza a splica e invitadonan e importancia di nan participacion den e workshop aki y tambe felicita nan tur ariba e Dia International di Medio Ambiente. Despues a sigui un splicacion di diferente terminologianan cu lo wordo uza den e workshop y tambe e modelo triangulo di sostenibilidad tambe a wordo splica eloquentemente door di directeur di Directie Natuur en Milieu Sr. Gisbert Boekhoudt. E invitadonan ariba e di dos a haya objetonan cu a representa e tres terminologianan di e modelo cual tawata e aspecto humano, e aspecto economico y esun ecologico. E objetonan cu a ser duna pa representa e aspecto humano tawata stickers den formanan di pia y mannan. Den e votacion e stickernan aki a representa e atencion humano cu e tema tin nessecidad pa haya. Esun pa cu aspecto economico tawata specimentnan di biljete di 10,- florin cual a representa cu mas inversion economico ta necesario pa e tema. Esun cu a representa ecologia tawata cocolishinan cu a haya banda di costanan di Aruba. E votacion cu cocolishi kiermen cu e tema lo mester mas atencion ambiental. Cu e tres diferente objetonan aki e participantenan por a hasi un votacion ariba e diferente temanan ja anteriormente menciona.

Den e relato aki nos kier a duna resultado di e Votacion y un splicacion kico e ta significa pa nos medio ambiente y naturalesa. Den e diagrama titula “Prioridad entre temanan ambiental segun e modelo di sostenibilidad” por wak e resultado pa cada tema. Nos a tuma nota cu e temanan cu a ricibi votacion mas halto tawata: 1. Sushedad 2. Habitat 3. Sortonan y na di cuatro lugar a resulta Salud y Medio Ambiente.

Por ehempel pa locual ta trata e tema sushedad a score halto den aspecto economico, cu otro palabra e participantenan a hasi mas uso di e speciment di 10,- florin pa vota pa Sushedad. Cu esaki e hendenan ta indica cu mester inverti mas placa den un systema di procesamento di sushi na Aruba. Pa e temanan di habitat y sortonan a wordo vota pa e tema conjuntamente; e temanan conjuntamente a haya mas voto pa e aspecto humano. Cu esaki e participantenan ta mira e importancia pa hendenan cuida y proteha nos naturalesa su sortonan y nan habitat. E tema di salud y medio ambiente cu a sali na di cuatro lugar a haya mas voto pa cu e aspecto ecologico. Mas invitado a hasi votacion cu e cocolishinan, esaki kiermen cu nan ta mira importancia cu e estado di e medio ambiente su impacto ta pa e ser humano su salud.

Directie Natuur en Milieu kier gradisi tur instancia cu a asisti y participa na e evento asina importante pa Aruba. Nos directie lo tene e publico informa ariba e otro resultadonan cu tawata tin durante e evenemento entreotro nos lo manda e resultado di e Mata di Virtud y tambe un relato di e compromisonan cu a wordo hasi dor di e invitadonan pa cu e temanan menciona.

June 2018
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Like ons!

Youtube Channel

Sociaal Netwerk

Twitter Feed

dnmaruba RT @UNEnvironment: Happy #WorldOceansDay! 🌊🐟🌊🐡 We all have a responsibility to use the resources provided by our oceans sustainably becaus…
dnmaruba HAppy World Environment day 2018 If you can't reuse it, refuse it! https://t.co/H3TnXUI9lc
dnmaruba Thank you @Schwarzenegger for accepting this challenge. No more single use plastic https://t.co/quYyZQoJto
dnmaruba dnmaruba is also playing the game of tag to help #BeatPlasticPollution here is how https://t.co/OIVpFRX1UY
dnmaruba Bondia. Climate change is real, Aruba. https://t.co/exIC9hfhTA

Lid van

UNEP LogoCITES Logo