You are here: HomeNieuwsKico Mi Compromiso ta cu Aruba su Naturalesa y Medio Ambiente

Kico Mi Compromiso ta cu Aruba su Naturalesa y Medio Ambiente

En coneccion cu dia International di Medio Ambiente Directie Natuur en Milieu a invita un grupo grandi consistiendo di departamentonan gubermental y organisacionan no-gubernamental pa bini hunto pa dialoga y haya mas tanto punto di bista posible pa e formulacion di e maneho pa Aruba su Naturalesa y Medio Ambiente. Durante un di e seccionan Directie Natuur en Milieu a presenta e video di promocion di Aruba Tourism Authority titula “Mi compromiso”. E momento tawata uno hopi emotionante pa diferente participante, e propaganda aki di ATA ta ilustra con importante ta pa sera un compromiso pa e temanan di Naturalesa y Medio Ambiente.

 

Despues di aprecia e video aki, participantenan a haya e oportunidad den un momento sereno pa skirbi nan mesun compromiso pa cu Aruba su Naturalesa y Medio Ambiente. Despues tambe nan a haya e oportunidad pa comparti esaki ariba stage cu e otro participantenan.

Directie Natuur en Milieu a presenta como un team e siguiente compromiso: “Nos di Departamento di Naturalesa y Medio Ambiente nos compromiso cu Aruba ta pa proteha, educa y conseha riba nos naturalesa y medio ambiente”. Ariba e foto por aprecia e momento bunita tambe. Algun di e compromisonan ta como lo siguiente:

  • Inspira otro pa no tira sushi for di auto, tene Aruba limpi, come vegan un bes pa siman, proteha nos fauna, shop cu shopping-bag y no hasi uso di saco di plastic, concerva nos bida marino.
  • Crea un parke cu un solo meta pa traha comunidad fuerte y saludable. Forma parti di un di fundashonnan pa nos ta uno. Riba tereno di salud, zorg cu cada departamento pa cuminsa kita e machinenan di chips, chocalatie y refresco.
  • Sigiu focus riba nos medio ambiente, pa wak na unda si of no mag di wordo construi, uni compromiso cu Aruba pa por traha cu mas otro fundacionan/directienan pa un mihor medio ambiente, pa ami, y abo y pa nos tur.
  • Educa mi yiu pa e por bira un mihor persona, pa su mes y pa nos pais, semper respeta, cuminsa na planta na cas berdura y fruta, semper smile, duna un man, no susha Aruba, participa na mas beachclean-ups, ta mama ejemplar pa mi yiu pa no susha nos dushi isla.
  • Cu Aruba su mayan Cu Aruba Green in replanting plant trees to give shade y hasi Aruba bunita y fresco y salud (den projecto di replanting.)

Contrubui cada vez cu nan hasi un peticion riba mi pa bin huntu y proteha Aruba y duna mi sosten incondicional na un forma di un Plataforma Nacional cu tavihila projecto nan sea nan ta bon of malo pa Aruba.

  • Aporta mas voluntariamente, forma parti na Turtuga Aruba/beach clean-up, Planta mata di Aruba na cas, traha un Scriptie di natuurbescherming.
  • Keda pusha leynan y reglamentonan pa proteha nos medio ambiente y salud.
  • Hasi uso di mi experticio pa concientisa Aruba tocante milieu pa asina hisa e voz di e pueblo di Aruba, trece e hendenan hunto pa por vocifera nan opinion miho na gobierno.
  • Proteha e bida marina y cuida nos awanan teritorial.

Directie Natuur en Milieu kier a gradisi Aruba Tourism Authority pa nan colaboracion cu e video di “mi Compromiso”. Den e fotonan aki por mira e momento unda diferente invitadonan ta declama nan compromiso cu Aruba su Naturalesa y Medio Ambiente. 

June 2018
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Like ons!

Youtube Channel

Sociaal Netwerk

Twitter Feed

dnmaruba RT @UNEnvironment: Happy #WorldOceansDay! 🌊🐟🌊🐡 We all have a responsibility to use the resources provided by our oceans sustainably becaus…
dnmaruba HAppy World Environment day 2018 If you can't reuse it, refuse it! https://t.co/H3TnXUI9lc
dnmaruba Thank you @Schwarzenegger for accepting this challenge. No more single use plastic https://t.co/quYyZQoJto
dnmaruba dnmaruba is also playing the game of tag to help #BeatPlasticPollution here is how https://t.co/OIVpFRX1UY
dnmaruba Bondia. Climate change is real, Aruba. https://t.co/exIC9hfhTA

Lid van

UNEP LogoCITES Logo