You are here: HomeNieuwsDia mundial di Wetlands

Dia mundial di Wetlands

Ariba 2 di februari di tur aña ta wordo celebra World Wetlands Day. Esaki ta e dia cu Convention on Wetlands a adopta cual ta tuma lugar na aña 1971 na e ciudad Ramsar na Iran, pesey tambe yama Ramsar Convention.

Kico ta un Wetland?

 

Un wetland ta un area cu tin abundancia di awa, yena cu bida y tambe hopi nutrientenan. E area aki por ta grandi of chikito. Wetland nan ta hopi importante pa varios sorto di bestia y mata. Hopi parha di diferente sorto ta biba den e area nan aki of serca di nan. E parhanan ta usa e wetland nan pa nan busca nan cuminda diariamente. Tambe nan ta usa e lugarnan aki pa sosega y/of pa reproduci. Wetland nan ta hopi schaars rond di mundo, ta pesey cu e parhanan aki cu ta depende di e wetland nan ta hopi vulnerabel. Si e wetland desaparece of bay atras den calidad, e parhanan aki no ta haya un otro lugar pa por sobrebibi facil.

Importancia di Wetland

Wetland nan ta purifica y mantene awa, cu ta yuda na varios parti di mundo pa hendenan por tin cuminda. Wetland nan ta funciona como spons natural contra yobidanan tormentoso y tambe contra secura. Wetland nan ta proteha costanan y rifnan. Wetland nan ta yena cu biodiversidad y nan ta importante pa e retencion di carbon.

 Ramsar Convention kico esaki ta?

Pa tur e motibonan aki a bin cu e necesidad pa un conferencia y asina aki a nace tratado di Ramsar cu ta loke nos conoce awe como e Convention on Wetlands, un tratado special pa proteha tur e wetland nan rond di mundo.

Reino Hulandes a firma e tratado aki tambe, pa cual motibo ta haci cu automaticamente nos na Aruba tambe ta cay bow di e tratado aki.

Nos tin Wetland aki na Aruba?

Na Aruba a wordo apunta e area di Spaans Lagoen como un wetland, cual area a wordo reconoci y poni riba e lista di wetlands pa cu e Convention on Wetlands. E area di Spaans Lagoen apunta pa Ramsar tin un superficie di 70 hectara y su coordinaten ta 12º30’N 070º00’W.

Mas informacion di Spaans Lagoen

Pa loke ta trata e habitatnan na e sitio esakinan ta varia y ta inlcui 3 sorto di habitat. E parti mas halto (mas seco) ta encera e saliñanan cu ta captura e awa di yobida di Rooi Frances, Rooi Taki y Rooi Bringamosa. Despues bo ta haya e parti di e mangrovenan (mangelnan) cu ta consisti di e sorto di mangelnan y diferente bestianan manera parhanan di lama y di tera, piscanan y invertebranan. Mas pazuid bo ta haya e parti cu tin awa salo di e lagoen cu por bira poco brak despues di awa cero.

 Esfuerzonan diparti Gobierno pa proteha wetland

Nos di Departamento di Naturaleza y Medio Ambiente (DNM) hunto cu otro departamentonan tin como tarea pa zorg pa e wetland aki haya un status legal di un area protehi mescos cu Parke Nacional Arikok. Esaki lo sosode pa medio di nos ley di Conservacion di Naturaleza (Natuurbeschermingsverordening). DNM lo sigi sigur pa apunta y añadi na e lista wetland mas sitionan pa Aruba, entre nan sigur varios area cu ta contene mangelnan y saliñanan.

 Competencia International di fotografia

E aña aki e organisacion di Convention on Wetlands tin un campanja di fotografia pa hobenan entre 15 pa 24 aña. Nos di DNM sigur ta wak esaki como algo educativo pa nos hobennan por participa na algo asina. Pa mas informacion por bishita e pagina web aki: http://www.worldwetlandsday.org/photo-contest

 Con ABO por yuda?

Dia 1 di februari (diadomingo) tawata tin un actividad cu a encera  Mangrove Clean Up den area di Spaans Lagoen. Esaki tawata un iniciativa di studiante Tatiana Becker y cu ayudo di Zaida Everon y otro organizacionan cu a join pa yuda. Esaki a resulta un evento exitoso. E voluntarionan a bini hunto pa e clean up event  pa 4 or di atardi asina a haya instruccion pa e procedura y e meta di e cleanup event. Otro organizacionan presente tabata Parke National Arikok, R.E.A.C.T (Ritz-Carlton Environmental Action Conservation Team), AFMAruba.com como nos di Directie Natuur en Milieu. Tambe hopi individual cu a compronde e necesidad di e cleanup a atende en grande. Otro aña pone un meta pa join un causa asina pa proteha parti di nos naturalesa.

Dia 2 di februari ta encurasha comunidad pa para keto y pensa con abo tambe por juda cu e proteccion di Spaans Lagoen y tambe otro sitionan na Aruba cu lo por wordo apunta como wetland. Por busca un articulo y expande conocemento di importancia di wetland. Post esaki riba boso facebook page, comparti esaki cu boso amigonan asina duna un aporte na conocemento di wetland. DNM hunto cu nos comunidad lo sigi traha duro pa Aruba su naturaleza wordo protehi y conserva. Aki por aprecia fotonan cu a ser tuma ariba diadomingo durante di e clean up na Spaan Lagoen.

May 2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Like ons!

Youtube Channel

Sociaal Netwerk

Twitter Feed

dnmaruba Bondia. Climate change is real, Aruba. https://t.co/exIC9hfhTA
dnmaruba @aruba Danki Ministerio ROIM y gabinete Evelyn Wever Croes pa pone nos inversion di e water fontijnan di Caya Betic… https://t.co/2cBVDmUiU6
dnmaruba Dnmaruba working on proteccion of over 35 areas of importance for conservation
dnmaruba waw great news. we would love to see more of comebacks on our list #CITES greetings from Aruba @dnmarubahttps://t.co/UZuJoP8DRu
dnmaruba RT @WWF: #DYK #ClimateChange is impacting #turtle nesting sites? It alters sand temperature, which affects the sex of hatchlings. #WorldEgg

Lid van

UNEP LogoCITES Logo