You are here: HomeNieuwsDia International di Medio Ambiente; 7 Billion soñonan. Un planeta. Gasta cu cautela.

Dia International di Medio Ambiente; 7 Billion soñonan. Un planeta. Gasta cu cautela.

Awe Juni 5 ta World Environment Day, e fecha aki a wordo stipula pa United Nations. Ariba e dia aki ta celebra principalmente den forma di concientizacion pero tambe tumando accion pa bienestar di nos medio ambiente. E ta un dia pa hasi algo pa nos medio ambiente, esaki por ta un actividad individual, den grupo, den famia of esfuerzonan di gobierno of organizacionan pa logra un impacto positivo pa nos planeta.

Ariba e dia aki por hasi un cambio chiquito den e bida di routina cu nos ta hiba. Nos mester pensa pa uza concientemente coriente (energy), awa y cuminda.

Manera e slogan di United Nations Environment Program (UNEP) pa 2015 aki ta bisa “7 Billion  soñonan. Un planeta. Gasta cu cautela”. Cu esaki concientisa e parti di calidad di bida sin aumenta e impacto negativo riba medio ambiente, y sin compromete e recursonan cu nos mester pa futuro generacion pa yega na e meta pa desaroyo sostenibel y duradero. Con nos por logra esaki? Nos por cambia e habito di consumo, cambia e productonan cu nos ta usa, usando menos,  pero tambe con nos ta usa otro recursonan manera energia y awa. Sin laga afor cambio di habito di consumo di cuminda, come saludabel, planta y cumpra productonan local, y cu menos envoltura di plastic.

Directie Natuur en Milieu (DNM) ta invita un y tur: Ban celebra Dia International di Medio Ambiente dor di bira mas conciente di nos impacto ecologico. Ban pensa ariba e concequencianan pa nos medio ambiente cu e decisionan cu nos ta tuma. Algun di e ideanan cu DNM a logra compila for di UNEP y ta comparti esakinan ta lo siguiente: bai trabow of scol cu bais, come vegetariano un bez pa siman, cushina en vez di cumpra cuminda afor, cambia e bombillonan di luz pa LED, drecha e tuberianan cu ta lek, uza un thermo envez di cumpra awa den boter di plastic, hasi uzo di algun forma di recyclahe,  hasi uzo di option di pagonan electronico y hasi uzo di e-tickets ora di biahe.

Bishita DNM su facebook page www.facebook.com/dnmaruba y comparti informacionan valioso pa cu e dia di awe.

May 2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Like ons!

Youtube Channel

Sociaal Netwerk

Twitter Feed

dnmaruba Bondia. Climate change is real, Aruba. https://t.co/exIC9hfhTA
dnmaruba @aruba Danki Ministerio ROIM y gabinete Evelyn Wever Croes pa pone nos inversion di e water fontijnan di Caya Betic… https://t.co/2cBVDmUiU6
dnmaruba Dnmaruba working on proteccion of over 35 areas of importance for conservation
dnmaruba waw great news. we would love to see more of comebacks on our list #CITES greetings from Aruba @dnmarubahttps://t.co/UZuJoP8DRu
dnmaruba RT @WWF: #DYK #ClimateChange is impacting #turtle nesting sites? It alters sand temperature, which affects the sex of hatchlings. #WorldEgg

Lid van

UNEP LogoCITES Logo