You are here: HomeNieuwsDirectie Natuur en Milieu ta observa dia International di Mondi y tur Mata

Directie Natuur en Milieu ta observa dia International di Mondi y tur Mata

Directie Natuur en Milieu - Mata di MangelDia 21 Maart ta dia International di Mondi y tur Mata. Nacionan Uni su Asamblea Genereal a declara na December di 2012 cu cuminsando na 2013 e fecha aki di tur aña e miembro estadonan lo observa e fecha aki como “International Day of Forrests and the Tree”. Di parti di Directie Natuur en Milieu (DNM), departamento gubernamental encarga cu e maneho di Naturalesa y Medio Ambiente nos kier a concientisa pueblo ariba e fecha importante aki pa futuro generacion.

Matanan y areanan grandi cu mata (mondi) ta sostene nos y proteha nos, asina duna aire limpi y awa, salvaguardiando e biodiversidad y asina tambe yuda contra e fenomeno di cambio di clima. Pa hopi hende tambe mata ta prove cuminda y trabow. Ta keda na nos pa mantene y proteha nos mondi y su matanan- nos futuro ta depende di esaki.

DNM ta encurasha pueblo di Aruba pa e dia aki hunto cu bo famia, grupo di amigo, organizacionan, compania, I of grupo social pa planta un mata. Tambe lo ta di importancia pa refleha ariba e dia y puntra nos mes “Ta necesario pa capmento di mata of rosamento di tereno den totalidad?”. Tambe puntra: “Cua por ta e concequencia di esaki pa nos ecosystema I biodiversidad?”

DNM kier a enfoca e aña aki ariba e matanan di mangel. Aunque cu Aruba su clima ta uno hopi seco, nos naturalesa ta uno hopi varia. No ta cadushi y tuna so bo ta haya den nos naturalesa. Den nos naturalesa bo ta encontra areanan yena cu matanan di mangel. E areanan cu hopi mangel aki nos por bisa nan ta cumpli cu e definicion di un “forrest”, cu ta un area cu un densidad grandi di mata. Pesey na Aruba nos ta considera nos areanan di mangel como areanan unico y importante cu nos mester proteha y conserva. Mangelnan tin varios funcion y esakinan ta entre otro: yuda cu e reduccion di CO2, proteccion y escondite pa fauna, atrapa sedimentonan cual lo yuda pa proteha nos coralnan, mantene y crea suelo, y lugar pa reproduci di varios especie marino y terrestre. Pa nos fauna marino e mangelnan ta di sumo importancia mirando cu varios bestia ta pone webo den e areanan aki of nan yiunan ta usa e mangelnan como lugar pa nan sconde y crece. Despues cu e yiunan bira mas grandi nan ta bandona e mangelnan pa bay biba riba e rifnan mas pafo di nos costanan. E biodiversidad cu bo ta haya den e areanan di mangel ta uno di esunnan di mas halto na Aruba. E importancia di matanan di mangel ta grandi y pesey nos tur mester juda pa cuidanan.

May 2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Like ons!

Youtube Channel

Sociaal Netwerk

Twitter Feed

dnmaruba Bondia. Climate change is real, Aruba. https://t.co/exIC9hfhTA
dnmaruba @aruba Danki Ministerio ROIM y gabinete Evelyn Wever Croes pa pone nos inversion di e water fontijnan di Caya Betic… https://t.co/2cBVDmUiU6
dnmaruba Dnmaruba working on proteccion of over 35 areas of importance for conservation
dnmaruba waw great news. we would love to see more of comebacks on our list #CITES greetings from Aruba @dnmarubahttps://t.co/UZuJoP8DRu
dnmaruba RT @WWF: #DYK #ClimateChange is impacting #turtle nesting sites? It alters sand temperature, which affects the sex of hatchlings. #WorldEgg

Lid van

UNEP LogoCITES Logo