You are here: HomeNieuwsDia di Mama Tera, Directie Natuur en Milieu ta planta Palo di Sia

Dia di Mama Tera, Directie Natuur en Milieu ta planta Palo di Sia

Directie Natuur en Milieu - Palo di SiaAwe 22 April ta wordo observa como Dia di Mama Tera (Mother Earth Day)  e ta un dia pa inspira concientisacion, proteccion y aprecio pa mundo su medio ambiente. Directie Natuur en Milieu (DNM) tambe ta tuma e initiativa pa e aprecio aki.

Kico ta por hasi ariba dia di MamaTera? E dia di observacion aki por inclui actividadnan manera planta mata den grupo of bo so, cushina un dushi plato saludabel, accion di limpiesa den bario, hasi contacto cu esnan elegi pa tuma accion den cuestion di medio ambiente, usa materialnan recycla entre otro. Tin hende ta encurasha un accion di firma pa pone un stop na Global Warming y stop destruccion di naturaleza.

Kico ta e historia di dia di MamaTera? E dia aki a wordo funda dor di senador di Merca Sr.Gaylord Nelson na 1970 pa promove ecologia y respet pa bida riba mundo y tambe pa encurasha concientisacion pa problemanan manera polucion di aire, awa y tera.

Kico ta Directie Natuur en Milieu su initiativa pa e dia aki? E colleganan di Directie Natuur en Milieu a planta dos mata di Palo di Sia Cora, un mata di Tamarijn y uno di Kenepa.. Un danki ta bai na departamento di Agricultura Cria y Pesca cu a hasi un donacion di e dos matanan di Palo di Sia y tambe dos saco di mescla di gordura. Como cu e Palo di Sia ta uno no mucho conoci of casi no ta wak nan mas na Aruba, lo elabora den e relato aki ariba e Palo di Sia Cora.

Sera conoci cu Palo di Sia Cora: e nomber scientifico ta Burcera Simaruba. Bo tawata sa cu e mata aki ta schaars na Aruba? Na unda e ta crece? E mata aki ta original di areanan tropical den regionann di Merca, Sur America, Sur di Mexioco y Caribe, tambe Braziel y Venezuela. Naturalmente e ta crece bon den nos clima seco na Aruba tambe.

Discripcion: Palo di Sia ta un mata categortiza como uno chiquito te mediano cu por crece te 30 meter halto y por yega un diameter di mas of menos 1 meter di stam. E stam ta cora te cora scur pesey tambe e ta comicamente jama na Ingles, Tourist tree, door cu e ta pela mescos un cuero di un turista cu a kima den solo.

E takinan y blachinan ta consisti di 7 pa 11 blachi cu un vorm oval unda cada un por ta entre 4 pa 10 centimeter di largura y 2 pa 5 centimeter hancho. Densu temporada di production, Maart y April e por produci fruta chiquito manera un capsula cu un solo simian di 5 pa 6 milimeter den diameter. E simian ta cubri cu un vet color cora. E fruta ora e ta hecho of berde e por kita hopi liher for di e palo si e wordo sacudi. E fruta ta wordo comi pa parhanan.

Ban plante: e mata por crece den suelonan poco salo y den clima seco como tambe e ta crece basta liher. Tambe Palo di Sia Cora por wordo planta unda tin hopi biento pasobra e ta un di e matanan categoriza na Florida como “Hurricane resistant” species. E por wordo planta pa proteha cosecha pa proteccion di demasiado biento.

Importancia di e Palo di Sia; door cu e mata aki ta economico pa mantene y tambe e ta crece liher, e ta un mata ecologicamente recomendabel como un “starter tree” pa reforestacion.

Directie Natuur en Milieu ta gradisi su staff cu a coopera cu e projecto di planta e matananan aki esta e Palo di Sia cora como tambe un mata di Tamarijn y uno di Kenepa . Aki por admira e momentonan cu Santa Rosa a entrega e matanan y tambe ora cu nan a wordo planta na nos oficina na Berhardstraat Sanicolas.

May 2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Like ons!

Youtube Channel

Sociaal Netwerk

Twitter Feed

dnmaruba Bondia. Climate change is real, Aruba. https://t.co/exIC9hfhTA
dnmaruba @aruba Danki Ministerio ROIM y gabinete Evelyn Wever Croes pa pone nos inversion di e water fontijnan di Caya Betic… https://t.co/2cBVDmUiU6
dnmaruba Dnmaruba working on proteccion of over 35 areas of importance for conservation
dnmaruba waw great news. we would love to see more of comebacks on our list #CITES greetings from Aruba @dnmarubahttps://t.co/UZuJoP8DRu
dnmaruba RT @WWF: #DYK #ClimateChange is impacting #turtle nesting sites? It alters sand temperature, which affects the sex of hatchlings. #WorldEgg

Lid van

UNEP LogoCITES Logo