Na augustus 2017 a drenta na vigor e decreto nacional Proteccion di Flora y Fauna di Aruba. E ley ta brinda proteccion na un cantidad di 69 bestia y 55 mata.
Despues cu un comisión a revisa e Natuurbeschermingsverordening di 1995 e lista a conoce un ampliacion di e sortonan cu ta protegi internacionalmente bou di CITES y SPAW, cu ta protocolnan estableci mundialmente.
Departamento di Naturalesa y Medio Ambiente (Directie Natuur en Milieu – DNM) ta elabora y enfoca riba e sortonan cu ta aparece den ley, y asina yuda conscientisa e pueblo riba e matanan y bestianan cu ta protegi. E decreto nacional Proteccion Flora y Fauna Articulo 1 ta ilustra e sortonan den detaye cu e nomber scientifico y e nomber local. Den articulo 1 ta aparece esunan cu ta bou di menasa di extincion mundialmente. Bo ta haya e lista riba e website di gobierno.aw y si type e ley por haya copia di e documento. Articulo 5 y 6 di e Natuurbeschermingsverordening ta duna exactamente cu ta prohibi pa exporta mata y bestia cu ta riba e lista aki. Ta prohibi pa kap, corta of haci daño na matanan protegi. Pero tambe articulo 19 ta duna e castigo cu ta un boet cu por yega te un suma di 100,000 florin.
Number un riba e lista di flora ta e Agave Arubensis cu ta e nomber scientifico – na Papiamento of nomber local Cuco di indjan
E Agave arubensis, ta hay’e na un un sitio so na Aruba, a yega di hay’e riba calichi pazuid di Fontein, cerca di e drumidera y e ta crece unicamente na Aruba, p’esey tambe su nomber. E ta endémico na Aruba y probalemente no ta haye mas. E sortonan di agave endemico su existencia a wordo menasa door di construccion di casnan y bendemendo di matanan pa landscaping. E ta un mata endemico cu ta crece den forma di un rozet. E blachinan ta suculento, dus ta manera ‘manteca’ y ta lombra y su puntanan cu ta hinca (stekels). E ta floria geel.
Informacion saca for di buki ‘De inheemse bomen van de Benedenwindse eilanden’ di J.A de Freitas (1996), Arnolodo’s Zakflora di A.S.J van Proosdij (2012) y literatuur ‘Aandachtsoorten binnen de Arubaanse Flora’ di A.H van Schaik y L.M Petrocchi (feb 1998).
DNM kier a gradici tur departamento envolvi como tambe ministerio di Infrastructura y Medio Ambiente. Gradiciendo e colaboradornan di fotonan. Cortesia di foto duna door di Sra Olinda Rasmijn di Stimaruba (AUA) y Sr John A. de Freitas (CUR)
