Proteccion pa nos mata y bestianan: Ayera, 15 di augustus 2017 a drenta na vigor e ley cu ta brinda proteccion na diferente mata y bestia local. Ta trata aki mata y bestia cu ta na peliger di extinccion na Aruba y mata y betia cu ta di balor ecologico pa Aruba.
E ley aki ta forma parti di e Natuurbeschermingsverordening di 1995. E tempo aki caba a cuminsa cu accumulacion di e specianan local cuta na peliger di extinccion of cu tin balor ecológico. Y cu finalmente a conclui den e Decreto Nacional aki. Desde ayera 15 Augustus 2017, ta prohibi pa mata y causa daño na un cantidad di mata y bestianan cu ta aparece den e decreto national di proteccion flora y fauna local. E Decreto National aki ta menciona e sortonan den detailes di nomber scientifico y e nomber local. Prohibicion tambe ta ensera pa exporta, mata y herida bestia of kap mata y mata e mata cuta riba den Decreto National pa proteccion di flora y fauna local.
A jega na e lista aki den cooperacion cu diferente departamento di gobierno: DWJZ, DNM, DLVV y Veterinaire Dienst. DNM hunto cu departamento di BUVO y AHATA lo sigui taraha hunto pa informa y educa comunidad.
For di e lista DNM conhuntamente cu AHATA a dicidi di elabora y enfoca a riba 7 sorto di cual e: Shoco, Prikichi, Cascabel, Conew, Gutu, Fofoti y Stoki. Por ehempel for di e 5 bestianan menciona 4 ta den peliger di extinccion y e otro ta di balor ecológico. Di e matanan menciona e Stoki tambe jama Mosterd, ta den peliger di extinccion y e Fofoti ta un sorto di mangel cu ta di balor ecologico.
Kico nos kiermen cu balor ecologico? E sorto aki ta necesarrio pa percura cu e ecosystema keda den bon condicion, pues pa otro bestia y mata ceda existi.
DNM kier a gradici tur departamento involvi y ministerio di Turismo, Transorte, Energia y Medio Ambiente. Gradiciendo tur colaboradornan di potret di e flora y fauna. Cortesia di potret duna dor di StimAruba, Jads Dive Company, Parke National Arikok, Michiel Oversteegen y ATA.
