Basa riba e modelo di economia actual, nos planeta no por regenera y provee mas materia prima pa cubri e demanda humano. E manera actual di haci negoshi cu ta encera extrae, traha y benta afor, ta ser considera como un economia den un solo liña (linear economy).
Pa garantisa cu den futuro tin suficiente materia prima pa nos cuminda, vivienda y otro necesidadnan, ta esencial pa economianan bira circular. E principio di economia circular (CE) ta encera un mundo di negoshi unda ta mas responsabel cu uzo di materia prima, e.o. ta re-uza y recicla caminda tawata benta afo, ta minimalisa polucion y ta elimina desperdicio. E principionan ta deriva di e fundacion internacional The Ellen Mc Arthur Foundation. Na Aruba tin e plataforma local di Circular Economy Aruba (CEAruba), unda por siña, comparti y discuti/amplia riba e topiconan di CE cu nos comunidad. Haciendo esaki nos ta crea un medio ambiente mas sostenibel y un ambiente economico sano pa Aruba uzando e principionan di CE.
E plataforma ta un movemento cu ta consisti di Director di Directie Natuur en Milieu( DNM) y boluntarionan cu tin conexion cu universidad, companianan priva, empleadonan publico y organisacionnan no-gubernamental. DNM a yuda diseña un encuesta pa colecta mas data pa stimula un economia circular, cu otro palabra, un economia mas flexibel y cu por adapta miho na cambio (resiliente). Tur participante tin como deseo pa yuda asisti mas negoshi practicando economia circular y pa den un futuro cercano, Aruba su economia transiciona den un modelo di economia circular. Asina aki, implementando e principionan di CE, lo por brinda Aruba mas oportunidad pa alcansa reduccion di desperdicio importa y desaroya un sector economico nobo pa Aruba. Ampliando y diversificando Aruba su sector economico por yuda stimula nos comunidad su creatividad y asina ta mas resiliente pa e cambionan drastico y repentino den nos economia y situacionnan di medio ambiente cu por afecta nos futuro.
Cu esaki e grupo, cu ta forma parti di e plataforma, ta haci un yamada na e miembronan di comercio, pa yuda yena un survey digital pa asina tin un baseline study pa identifica e cantidad di negoshinan cu ta considera of ta implementando e principionan di CE den nan negoshi /empresa.
E link ta: https://survey123.arcgis.com/share/a7904c06e07c4f298f70bf33be0cacf5
Awor cu hopi hende ta Rethink con pa inverti placa mas efectivamente, tambe por tuma tempo pa rethink ki tipo di negoshi ta mas sostenibel. E idea ta pa un yuda otro, pa asina tira menos cos afo cu por bira un recurso pa uza di nobo.
Algun idea por inclui: Con por reuza awa? Con por reuza palo? Con por uza menos material y haya mihor beneficio? Ken ta lease kico? Ken ta refurbish kico? Ken ta drecha kico? Ken ta rebende kico? Laga nos sa ken ta haci un di e cosnan aki, door di yena e survey.
Pa mas informacion y tambe e link directo pa e survey, por bishita e website di Circular Econmy Aruba www.cearuba.org
Nos ta inclui tambe e QR code pa yega na e survey. E survey ta pa comerciantenan.
